|
|
|
سلێمانی: مەراسیمی پرسەی ئاكار محەمەد هەڵسوڕاوی بزوتنەوەی گۆڕان بەڕێوەچوو |
|
12/26/2017 4:11:18 PM |
مەراسیمی پرسەی ماتەمینی ئاكار محەمەد هەڵسوڕاوی بزوتنەوەی گۆڕان و بەڕێوەبەری نوسینگەی سەرۆكی پەرلەمانی كوردستان لە مزگەوتی ئەحمەدی حاجی عەلی لە شاری سلێمانی بەڕێوەچوو.
بە بەشداری ژمارەیەكی بەرچاو لە نوێنەرانی حزب و رێكخراوەكان و كەسایەتیەكان و هەڵسوڕاوان و ئەندامانی بزوتنەوەی گۆڕان, مەراسیمی پرسەی ئاكار محەمەد لە شاری سلێمانی بەڕێوەچوو.
كۆچی دوایی ئاكار محەمەدی تەمەن 39 ساڵ بە جەڵتەی دڵ كاردانەوەیەكی زۆری لای هاوڕێ و كەسوكارو ئەندام و لایەنگرانی بزوتنەوەی گۆڕان لێكەوتەوەو هەموو دۆست و هاوڕێیانی نیگەران كرد.
ئاكار محەمەد لەسەرەتای دروستبونی بزوتنەوەی گۆڕانەوە یەكێكە لە هەڵسوڕاوە دڵسۆزو چالاكەكان و سەرپەرشتی چەندین دۆسێی یاسایی گرنگی كردووەو ماوەی 4 ساڵیش بەڕێوەبەری نوسینگەی سەرۆكی پەرلەمانی كوردستان بووەو دڵسۆزانە كارەكانی ڕاپەڕاندووە.
. |
|
|
|