|
|
|
وێنە؛ کۆبونەوەى جڤاتى گشتى بزوتنەوەى گۆڕان |
|
9/11/2018 6:20:25 PM |
جڤاتى گشتى بزوتنەوەى گۆڕان بۆ تاوتوێکردنى داوا ئامادەکارییەکان بۆ هەڵبژاردنى پەرلەمانى کوردستان و تاوتوێکردنى چۆنیەتى هاوبەشیکردنى کورد لە حکومەتى داهاتوى عێراق کۆبوەوە، سەرۆکى جڤاتى گشتیش رایدەگەیەنێت؛ ئەوەى بەلاى ئێمەوە گرنگە داخوازیە رەواکانى گەلى کوردە نەک پۆست و پلە و ئیمتیازاتى شەخسى و حیزبى.
دواى نیوەڕۆى ئەمڕۆ دوشەممە، کۆبونەوەى جڤاتى گشتى بزوتنەوەى گۆڕان بە سەرپەرشتى عومەر سەید عەلى رێکخەرى گشتى لە مەکۆى سەرەکى لە شارى سلێمانى دەستیپێکرد، لەبارەى ناوەڕۆک و تەوەرى کۆبونەوەکەوە د. رەئوف عوسمان، سەرۆکى جڤاتى گشتى بزوتنەوەى گۆڕان رایگەیاند؛ چەند تەوەرێک لەخۆدەگرێت لەوانە چۆنیەتى خۆ ئامادەکردن بۆ هەڵبژاردنى پەرلەمانى کوردستان و دوا پێشهاتەکانى کوردستان و عێراق و ناوچەکە لە روى سیاسییەوە لەگەڵ چۆنیەتى هاوبەشیکردنى کورد لە حکومەتى داهاتوى عێراق.
سەرۆکى جڤاتى گشتى رونیکردەوە؛ ئەوەى لاى بزوتنەوەى گۆڕان گرنگە داخوازیە رەواکانى گەلى کوردە، نەک پۆست و پلە و ئیمتیازاتى شەخسى و حیزبى، واتە ئەوەى بەلاى ئێمەوە گرنگە تەنها بەرژەوەندییە باڵاکانى هاوڵاتى کوردە لەگەڵ حکومەتێکى خزمەتگوزار.
هەروەک ئەوەى خستەڕو کە جەخت دەکەنەوە لە پڕۆژەیەکى گشتگیرى نیشتیمانى کە تەئکید بکاتەوە لەسەر چارەسەرى کێشەکانى نێوان هەرێم و بەغدا لە چوارچێوەى دەستوردا.
       |
|
|
|