|
|
|
کۆبونەوەی گۆڕان و پارتی دەستی پێکرد |
|
9/5/2018 2:57:51 PM |
پێشنیوەڕۆی رۆژی سێشه‌ممه وەفدێکی پارتی دیموکراتی کوردستان گەیشتنە مەکۆی سەرەکی بزوتنەوەی گۆڕان و لەئێستادا کۆبونەوەی فەرمی نێوان هەردولا دەستی پێکردوە.
وەفدەکە لەلایەن عومەر سەید عەلی رێکخەری گشتی بزوتنەوەی گۆڕان و ژمارەیەک لە ئەندامانی خانەی راپەڕاندن و جڤاتی نیشتیمانییەوە پێشوازییان لێکرا، کە بەسەرۆکایەتی نێچیرڤان بارزانی جێگری سەرۆکی پارتی دیموکراتی کوردستان و لە ژمارەیەک ئەندامی مەکتەبی سیاسی و سەرکردایەتی پێکهاتون.
بەپێی زانیارییەكان، لەكۆبونەوەكە هەردولا گفتوگۆ دەكەن لەبارەی دانوستانی لایەنە كوردستانییەكان لەبارەی پێكهێنانی حكومەتی نوێی عێراق و هەڵبژاردنی پەرلەمانی كوردستان، كە بڕیارە كۆتایی ئەم مانگە بەڕێوەبچێت.
بزوتنەوەی گۆڕان بەپێویستی دەزانێت لەچوارچێوەی پرۆژەیەكی نیشتمانیدا لایەنە كوردستانییەكان لەگەڵا لایەنە عێراقییەكان گفتوگۆ بكەن.
لەبارەی هەڵبژاردنی پەرلەمانی كوردستانەوە، بزوتنەوەی گۆڕان جەخت دەكاتەوە لەسەر بەڕێوەچونی پرۆسەكە لەوادەی دیاریكراوی خۆیدا بەمەرجێك هەڵبژاردنێكی پاك و بێگەرد و دوربێت لەهەمو دەستوەردان و ساختەكارییەک. |
|
|
|