جێگری باڵیۆزی سوید له عێراق سه‌ردانی بزوتنه‌وه‌ی گۆڕانی كرد و له‌لایه‌ن رێكخه‌ری گشتی بزوتنه‌وه‌ی گۆڕانه‌وه پێشوازی لێكرا.
له مه‌كۆی سه‌ره‌كی بزوتنه‌وه‌ی گۆڕان له سلێمانی، عومه‌ر سه‌ید عه‌لی، رێكخه‌ری گشتی بزوتنه‌وه‌ی گۆڕان پێشوازیكرد له كریستیان نیسلۆن، جێگری باڵیۆزی سوید له عێراق.
له دیدارێكدا كه محه‌مه‌د تۆفیق ره‌حیم سكرتێری كاروباری ژوره‌كان له خانه‌ی راپه‌ڕاندن و ژماره‌یه‌ك له ئه‌ندامانی ژوری په‌یوه‌ندییه دیپلۆماسیه‌كان ئاماده‌یبون، گفتوگۆیانكرد له‌باره‌ی دۆخی سیاسی هه‌رێمی كوردستان عێراق پرسی ریفراندۆم په‌یوه‌ندی نێوان هێز و لایه‌نه سیاسیه‌كان له هه‌رێمی كوردستان و سه‌رجه‌م ئه‌و كێشه و ململانێیانه‌ی له هه‌رێمدا هه‌ن.