|
|
|
گۆڕان بەشداریی کۆبونەوەکەی ئەمڕۆی پەرلەمان ناکات |
|
9/3/2018 3:45:55 PM |
كاندیده ده‌رچوەكانی بزوتنه‌وه‌ی گۆڕان به‌شداری دانیشتنی یەکەمی خولی نوێی په‌رله‌مانی عێراق ناكه‌ن، ئه‌وه‌ش وه‌كو ناڕه‌زایەتییەك به‌رامبه‌ر ئه‌و هه‌مو ساخته‌كارییه‌ی له‌پرۆسه‌ی هه‌ڵبژاردندا ئه‌نجامدرا.
د.شۆڕش حاجی، ئه‌ندامی خانه‌ی راپه‌ڕاندنی بزوتنه‌وه‌ی گۆڕان، رایگه‌یاند: ئەمڕۆ کاندیدە دەرچوە ئازا و دڵسۆزەکانی بزوتنەوەی گۆڕان لەسەر بڕیاری بزوتنەوەکەیان بەشدار نابن لە سوێند خواردنی پەرلەمانتارە دەرچوەکانی ئەنجومەنی نوێنەرانی عێراق.
وتیشی :"هۆکاری سەرەکی باوەڕ نەبونی ئێمەیە بە ئەنجامەکانی هەڵبژاردنەکە و بونی ئەو ساختەکارییە گەورەیەی کە ئێمە وەک گۆڕان هەمو شەقامی عێراقی و پرۆسەی سیاسیمان بەرامبەری خستە جموجۆڵ و دوبارە ئێمە تانەمان داوە لە ئەنجامەکانی کۆتایی کە بڕیار بو کۆی سندوقەکان ئەژمار بکرێنەوە نەک تەنها هەندێک سندوق".
ئه‌ندامه‌كه‌ی خانه‌ی راپه‌ڕاندنی گۆڕان ئاماژەی بەوەکرد؛ هۆکارێکی دیکە ئەوەیە ئاگاداری ئەو رێککەوتنە ژێر بەژێرانە نیین کە بۆ سبەینێ کراوە له هەڵبژاردنی دەستەی سەرۆکایەتی پەرلەمانی عێراق و گۆڕان ناچێتە ناو هاوکێشەیەکەوە بەرژەوەندیە نەتەوەییەکانی گەلی کوردستانی تێدا رون نەبێت. |
|
|
|