|
|
|
رەئوف عوسمان: گومانى ئەنجامدانی ساختەكاری گەورە ده‌كه‌ین |
|
8/29/2018 11:19:05 PM |
سه‌رۆكی جڤاتی گشتی بزوتنه‌وەی گۆڕان ئاماژە بەوە دەکات شاندى یەکێتى لە کۆبونەوەى نێوانیاندا ئاماژەیان بە پرۆژە هاوبەشەکەیان لەگەڵ پارتى کردوە، ئەوەش دەخاتەڕو گومانیان هەیە لەوەى لە هەڵبژاردنى پەرلەمانى کوردستاندا ساخته‌كاریه‌كی گه‌وره ئەنجام بدرێت.
د. ره‌ئوف عوسمان سه‌رۆكی جڤاتی گشتی بزوتنه‌وه‌ی گۆڕان لەبارەى ناوەڕۆکى سەردان و کۆبونەوە لەگەل شاندى یەکێتى بە دەنگى ئەمەریکاى راگەیاندوە؛ كۆبونه‌وه‌كه زیاتر بۆ ئاساییكردنه‌وه‌ی په‌یوه‌ندییه‌كان بو، به‌ڵام یه‌كێتی باسیان له‌وه‌كرد كه پڕۆژه‌یه‌كیان له‌گه‌ڵ پارتیدا هه‌یه بۆ به‌غدا، به‌ڵام وەک خۆیان وتیان هێشتا واژۆیان له‌سه‌ر نه‌كردوه واته هه‌ر ره‌شنوسی پرۆژەیه."
هەروەک رونیکردوەتەوە لە هەمان کۆبونەوەدا باس له هه‌ڵبژاردنه‌كانی كوردستان و هه‌ردولا تێبینییان لەسەر تۆماری ده‌نگده‌ران هەبوە.
د. رەئوف عوسمان وتویەتى لەم هەڵبژاردنەدا یەکێتیش هه‌مان گومانیان هه‌یه كه ساخته‌كاری بكرێت و هه‌ڵبژاردنه‌كان به ئاراسته‌یه‌كی باشدا نه‌ڕوات.
له‌باره‌ی ئه‌وه‌ی ئاماده‌ن له‌گه‌ڵ وه‌فدی پارتی و یه‌كێتی وه‌ك چوار لایه‌نه بچنه به‌غدا، سەرۆکى جڤاتى گشتى وتویەتى؛ "ده‌بێت چوار لایه‌نه‌کە پێكه‌وه ئەو بڕیاربده‌ن ئایا ئاماده‌ن بچنه وه‌فدی هاوبه‌شی پارتی و یه‌كێتی بۆ به‌غدا یان نا، چونكه هێشتا بڕیارمان نه‌داوه، بەڵام چوار لایه‌نه‌كه فراكسیۆنمان هه‌یه له به‌غدا و له‌وێ لایه‌نه عیراقیه‌كان ده‌بینین، وه ئاساییه خۆشمان بچینه به‌غدا بۆ بینینی لایه‌نه عیراقیه‌كان تا پڕۆژه‌ی خۆمانیان پێشكه‌ش بكه‌ین و ناكرێت چاوه‌ڕێی پارتی و یه‌كێتی بین." |
|
|
|