هه‌ڵسوڕاوانی ره‌وه‌ندی كوردی خۆیان بۆ چاودێریكردنی ناوه‌نده‌كانی ده‌نگدان ئاماده ده‌كه‌ن
سه‌عات 5:00ی ئێواره‌ی رۆژی سێشه‌ممه 10/9/2013، به هاوكاری ژوری ره‌وه‌ندی كوردی و ژوری هه‌ڵبژاردنی بزوتنه‌وه‌ی گۆڕان، ۆركشۆپێك بۆ ژماره‌یه‌كی زۆر له هه‌ڵسوڕاوانی ره‌وه‌ندی كوردی كرایه‌وه كه له ده‌ره‌وه‌ی وڵاته‌وه به‌مه‌به‌ستی به‌شداریكردنیان له پرۆسه‌ی هه‌ڵبژاردندا گه‌ڕابونه‌وه بۆ هه‌رێمی كوردستان.
ۆركشۆپه‌كه له هۆڵی كۆبونه‌وه‌كانی مه‌كۆی سه‌ره‌كی بزوتنه‌وه‌ی گۆڕان له شاری سلێمانی به‌ڕێوه‌چو كه تیایدا چه‌ندین رێنمایی پێویست له‌باره‌ی چۆنێتی به‌شداریكردن له پرۆسه‌ی ده‌نگداندا بۆ ئاماده‌بوان شیكرایه‌وه.
هه‌ر له ۆركشۆپه‌كه‌دا زانیاری ورد له‌باره‌ی چاودێریكردنی ناوه‌نده‌كانی ده‌نگدان رونكرایه‌وه.
