د.یوسف محه‌مه‌د: ئه‌وانه‌ی حوكمڕانی ده‌كه‌ن زانیارییان له‌سه‌ر حوكمڕانی نییه
دكتۆر یوسف محه‌مه‌د: تا ئێستا سندوقه‌كانی ده‌نگدان سه‌نگی مه‌حه‌ك نه‌بووه
دكتۆر یوسف محه‌مه‌د ده‌ڵێت، ئه‌وانه‌ی ئێستا حوكمڕانی هه‌رێم ده‌كه‌ن هیچ زانیارییه‌كی ئه‌وتۆیان له‌سه‌ر حوكمڕانی ڕه‌شید نییه.
له چاوپێكه‌وتنێكدا له‌گه‌ڵ خه‌ندان، د. یوسف محه‌مه‌د سادق ڕایگه‌یاند: ئه‌وانه‌ی ئێستا حوكمڕانی هه‌رێم ده‌كه‌ن هیچ زانیارییه‌كی ئه‌وتۆیان له‌باره‌ی حوكمڕانی ڕه‌شید نییه، سه‌ره‌ڕای ئه‌وه‌ش ده‌ستێكی باڵایان هه‌یه له به تاڵانبردنی داهاتی هه‌رێمی كوردستان.
سه‌رۆكی ده‌ستله‌كاركێشاوه‌ی په‌رله‌مانی كوردستان ئاماژه‌ی به‌وه كردووه، ده‌ركه‌وت ئه‌وانه‌ی كه نه‌خوێنده‌وار و حوكمڕانن، دۆخێكیان به‌سه‌ر هه‌رێمی كوردستاندا هێناوه كه بۆ پیش 2003 گه‌ڕاوه‌ته‌وه.
د. یوسف باسی له‌وه‌شكردووه، ململانێی نێوان حزبه‌كان، شتێكی زۆر سروشتییه، به‌ڵام ئه‌وه‌ی نا سروشتییه، یه‌كلاكردنه‌وه‌ی شێوازی ململانێ نا سروشتییه‌كانه، به‌تایبه‌تی به‌كارهێنانی چه‌ك له ململانێ سیاسیه‌كاندا كه تا ئێستا سندوقه‌كانی ده‌نگدان سه‌نگی مه‌حه‌ك نه‌بووه