سروه عه‌بدولواحید، حكومه‌تی هه‌رێم و سه‌رۆكه‌كه‌ی هه‌ست به شه‌رمه‌زاری ناكه‌ن
سروه عه‌بدولواحید په‌رله‌مانتاری فراكسیۆنی گۆڕان له ئه‌نجومه‌نی نوێنه‌رانی عێراق رایده‌گه‌یه‌نێت حكومه‌تی هه‌رێم و سه‌رۆكه‌كه‌ی له به‌رامبه‌ر ناڕه‌زایی و داوای ره‌وای هاوڵاتیاندا هه‌ست به شه‌رمه‌زاری ناكه‌ن، داواش له سه‌رۆكی ئه‌نجومه‌نی وه‌زیرانی عێراق ده‌كات مامه‌ڵه له‌گه‌ڵ حكومه‌تی هه‌رێمدا نه‌كات.
سروه عه‌بدولواحید په‌رله‌مانتاری فراكسیۆنی گۆڕان له ئه‌نجومه‌نی نوێنه‌رانی عێراق، وه‌ك ناڕه‌زاییه‌ك له به‌رامبه‌ر لێدوانه‌كانی نێچیرڤان بارزانی سه‌رۆكی حكومه‌تی هه‌رێمی كوردستان له‌باره‌ی ناڕه‌زایی و خۆپیشاندانه‌كانی شارو شارۆچكه‌كانی هه‌رێم، داوا له سه‌رۆك وه‌زیرانی عێراق ده‌كات رۆڵی خۆی ببینێت له پاراستنی هاوڵاتیانی هه‌رێم و تاوه‌كو هه‌ڵبژاردنی په‌رله‌مانی نوێی كوردستان مامه‌ڵه له‌گه‌ڵ سه‌رۆكی حكومه‌تی هه‌رێم و جێگره‌كه‌ی نه‌كات و له‌بری ئه‌وه مامه‌ڵه له‌گه‌ڵ پارێزگاكاندا بكات، چونكه حكومه‌تی هه‌رێمی كوردستان شه‌رعیه‌تی نه‌ماوه و دوژمنی گه‌لی كورده.