هەر چوار لایەنی گۆڕان ‌و یەكگرتو كۆمەڵ ‌و هاوپەیمانی، سەرقاڵی پێكهێنانی ئیئتیلافێكی سەربەخۆن بۆ بەشداریكردنیان لە پرۆسیەی سیاسی عێراق، ئەندامێكی خانەی راپەڕاندنی بزوتنەوەی گۆڕانیش ئاشكرای دەكات، ئیئتلافەكە لە دەرەوەی بەرەی پارتی ‌و یەكێتی دەبێت و هەر چوارلایەنەکە كار دەكەن بۆ ئەوەی بەرەیەكی نوێ نوێنەرایەتی خەڵكی كوردستان بكات، كە زۆرترین دەستكەوت بەدەست بهێنێت.

بزوتنەوەی گۆڕان ‌و یەكگرتوی ئیسلامی ‌و كۆمەڵی ئیسلامی ‌و هاوپەیمانی بۆ دیموكراسی ‌و دادپەروەری لە ئێستادا سەر قاڵی پێكهێنانی ئیئتیلافێكی سەربەخۆن بۆ بەشداریكردنیان لە پرۆسەی سیاسی عێراق، لەوبارەیەوە شۆرش حاجی، ئەندامی خانەی راپەڕاندنی بزوتنەوەی گۆڕان رایگەیاند؛ دوای وەرگرتنی بڕیاری سەركردایەتی حیزبەكانیان، دوا بڕیار لەسەر ئەو ئیئتیلافە دەدەن.
وتیشی: ئیئتلافەكە لە دەرەوەی بەرەی پارتی ‌و یەكێتی دەبێت و  هەر چوارلایەنەکە كار دەكەن بۆ ئەوەی بەرەیەكی نوێ نوێنەرایەتی خەڵكی كوردستان بكات، كە زۆرترین دەستكەوت بەدەست بهێنێت.
هەروەها بەوتەی

هاوكات بەوتەی محەمەد ئەحمەد، ئەندامی سەركردایەتی یەكگرتوی ئیسلامی "لەرابردودا ئەزمونی دوبەرەی جیاوازیان هەبو سەركەتوش بوە و دەكرێت تەنها لەپرسە نەتەوەییەكاندا یەكە هەڵوێستبن".

لای خۆیشییەوە محەمەد رەئوف، ئەندامی دەستەی دامەزرێنەری هاوپەیمانی بۆدیموكراسی ‌و دادپەروەری لە بارەی ئامانجی پێكهێنانی ئەو ئیئتلافەوە وتی: لە پێناو بەرژوەندی خەڵكی كوردستان بیریان لەو ئیئتیلافە كردۆتەوە.

ئەو چوار هێزە سیاسیە لە دوای هەڵبژاردنی (12)ی ئایارەوە زیاتر لەیەكتر نزیكبونەوە‌و لەماوەی رابردوشدا چەندین كۆبونەوە‌و هەڵوێستی هاوبەشیان هەبوە‌و لەمەودواش دەیانەوێت لەپرسە سیاسیە چارەنوسازەكاندا خاوەنی قسەی خۆیان بن.