یەکێتی: داوای لێبوردن لە بزوتنەوەی گۆڕان دەکەین
یەکێتی بەفەرمی داوای لێبوردن له‌بزوتنه‌وه‌ی گۆڕان ده‌كات بەهۆی تەقەکردن لە مەکۆی سەرەکی بزوتنەوەی گۆڕان و لە شەوی ئاشکرا کردنی ئەنجامی هەڵبژاردنەکانی پەرلەمانی عێراق.
مەکتەبی سیاسی یەکێتی نیشتیمانی کوردستان بەبۆنەی جەژنی قوربانەوە داوای لێبوردن و گه‌ردن ئازادیی، له‌بزوتنه‌وه‌ی گۆڕان ده‌كات كه ئه‌گه‌ر هه‌ر روداوێك، له‌ده‌ره‌وه‌ی بڕیاری ره‌سمی یه‌كێتیی نیگه‌رانی كردبن، به‌تایبه‌ت له‌و روداوه‌ی كه به‌هۆی كۆی كێشه‌كانی شه‌وی ته‌ته‌ڵه‌كردنی ده‌نگه‌كانی هه‌ڵبژاردنی رابردودی ئه‌نجومه‌نی نوێنه‌رانی عیراق له (12/5/2018)، رویدا.
رایدەگەیەنێت: ئەو پەیامەیان له‌هه‌ستی به‌رپرسیارێتیانە به‌رامبه‌ر به‌چاره‌نوسی گه‌له‌كی کورد و هه‌مو لایه‌نه سیاسییه‌كان و چاره‌سه‌ركردنی كێشه سیاسی و ئابوریی و كۆمه‌ڵایه‌تییه‌كانه‌وه، هه‌ڵده‌قوڵێت.
لەو بروسکەیەدا کە راگەیاندنی فەرمی ئەو حیزبە بڵاوی کردوەتەوە، یەکێتی رایگەیاندوە: به‌ئومێده‌وه له‌هه‌ڵوێستی سه‌رجه‌م لایه‌نه سیاسییه‌كانی كوردستان ده‌ڕوانن، كه له‌م بۆنه نیشتیمانی و ئایینییه‌دا، به‌ئامانجی یه‌كڕیزیی و یه‌ك هه‌ڵوێستی گه‌له‌كه‌مان، له‌به‌رامبه‌ر مه‌ترسییه‌كانی بارودۆخی ئێستای ناوچه‌كه‌و هه‌لومه‌رجی پێكهێنانی حكومه‌تی عیراق، كه پابه‌ندبێت به‌ته‌واوی ماده‌و بڕگه‌كانی ده‌ستور و رێككه‌وتنه‌كان جێبه‌جێ بكات، كێشه‌ی ئابوری خه‌ڵك و خزمه‌تگوزارییه‌كان چاره‌سه‌ر بكات، تێبكۆشن